Türkiyədə hərbi helikopter dənizə təcili eniş etdi

Türkiyə Hərbi Dəniz Qüvvələrinə məxsus helikopter dənizə məcburi eniş edib.

Avtosfer.az xəbər verir ki, bu barədə Türkiyə Milli Müdafiə Nazirliyi məlumat yayıb. 

Bildirilir ki,  "Denizkurdu-2/2025" təlimi çərçivəsində Antalya sahillərində uçuş fəaliyyəti həyata keçirən Hərbi Dəniz Qüvvələrimizə məxsus SH-70 helikopteri texniki nasazlıq səbəbindən dənizə təcili eniş edib. Helikopterdə vəzifə yerinə yetirən 4 nəfər şəxsi heyətin sağlamlıq vəziyyətinin yaxşı olduğu açıqlanıb.