Xalq artistinin səhhətində problem yaranıb: ƏMƏLİYYAT OLUNDU - FOTO

Azərbaycanın Xalq artisti, tanınmış teatr, kino və televiziya rejissoru Ramiz Həsənoğlu səhhətində yaranan problemlə əlaqədar əməliyyat olunub.

Avtosfer.az xəbr verir ki, Ramiz Həsənoğlu Müdafiə Nazirliyinin Baş Klinik Hospitalına müraciət edib. Aparılan müayinələrdən sonra sənətçinin əməliyyat olunmasına qərar verilib.

Əməliyyat uğurla başa çatıb. Bir neçə gün hospitalda müalicə alan Xalq artisti bu gün özünü yaxşı hiss edərək evə buraxılıb.

Hospitalın kollektivi Ramiz Həsənoğluna möhkəm cansağlığı, uzun ömür və yaradıcılıq fəaliyyətində yeni uğurlar arzulayıb.

Qeyd edək ki, Ramiz Həsənoğlu uzun illər Azərbaycan teatr, kino və televiziya sənətinin inkişafına töhfə verib, çoxsaylı əsərlərə rejissorluq edib.