Avtomobildə LED işıqlardan istifadə hansı problemlər yaradır?- Bahalı sistem

Bir çox sürücülər avtomobilə LED işıqların quraşdırılmasına üstünlük verir. Hətta müasir avtomobillərin çoxunda bu işıqlardan istifadə olunur. Səbəbi çox sadədir. Çünki LED lampaların üstünlükləri göz qabağındadır. Bu cür işıq mənbələri adi halogen lampalardan daha parlaq, daha yaxşı effektivliyə malik və daha uzun ömürlüdürlər. Lakin bunun mənfi cəhətləri də var. Məsələn, LED faralar sıradan çıxarsa, təmir edilə bilməz. Bütün element dəyişdirilməlidir.

Məlumdur ki, bu optik faralar heç də ucuz deyil. Məsələn, LED arxa fənərlərin birinin orta qiyməti 500 avro, ön fənərlər üçün isə 1500 avrodur.

Premium seqmentində olan avtomobillərdə qiymət etiketi 4500 avro və daha çox ola bilər. 

Bunula belə LED optikasının dəyişdirilməsi olduqca ucuz başa gəlir, amma bəzi hissələrinin təmiri bəzən mümkün olmur. Qəza baş verərsə, bütün LED faraların və ya fənərlərin tamamilə dəyişdirilməsi labüddür. Yalnız idarəetmə elektronikasını korpus xaricində ayrıca dəyişdirmək mümkündür.

Ənənəvi diod optikası standart "halogen" işıqlardan daha uzun ömürlü hesab olunur. Buna baxmayaraq onlar da parlaqlığını itirərək zamanla istifadə edilə bilməz hala gəlir.

Nərminə Əli