Avtomobildə virus mənbəyinə çevrilən hissələr koronovirus təhlükəsi yaradır - DİQQƏT

Artıq hər kəsə məlumdur ki, pandemiya dövründə koronovirusdan qorunmanın ən birinci yolu gigiyenadır. Bu dövr ərzində hər kəs əllərini, istifadə etdikləri vasitələri dezinfeksiya etməyə alışdı. Lakin bir çox hallarda sürücülər elə ən birinci virus mənbəyi ola biləcək avtomobillərini dezinfeksiya etməkdən yayınırlar. 
Avtosfer.az sizə avtomobildə ən çox təmas edilən hissələri bir daha xatırladır ki, gigiyenamıza tam şəkildə əməl edərək Covid-19-un sonunu gətirək.
Avtomobilə əyləşmək üçün ilk öncə hamının təmas etdiyi kilidi açmaq üçün pult və qapı qoludur. Əgər parklama üçün qapalı bir yeriniz yoxdursa o zaman qapı qolu mütləq yaxşı dezinfeksiya edilməlidir.
İkinci və ən vacib təmas nöqtələrindən biri də sükandır. İdarə etməzdən öncə və sonra yaxşı dizinfeksiya edilməsi məsləhət görülür. Avtomobildə olarkən şüşəsilən və dönmə işıqlarının qolları ilə də yetərincə təmasda oluruq. Həmçinin sürət qutusu başlığı da gündəlik istifadə də ən çox toxuduğumuz hissədir. 
Günəşli havalarda tez-tez istifadə etdiyimiz şüşəaçan düymələr də bakteriya mənbəyinə çevrilir. Bu siyahıya baqaj qapısının, radionun düymələri və s.ləri də alavə etmək olar. Bu hissələr hər gün dezinfeksiya edilməsə belə ən azından nəm salfetlə silinməlidir.
Xüsusən də avtomobilinizə minib-düşən çoxdursa bu halda ikiqat dezinfeksiya əməliyyatı həyata keçirsəz daha yaxşı olar.