Avtomobili hansı dövriyyə ilə idarə etmək məsləhətlidir

Mütəxəssislər avtomobili hansı dövriyyədə idarə etmənin mühərrikə ziyan vermədiyini açıqladı.
Avtosfer.az bildirir ki, mütəxəssislərin fikrinə görə 4500 dövriyyədən sonra avtomobilin mühərrikində yükün artması və enerji blokunun həddindən artıq isinməsi baş verir. Bu da yağ istehlakının artmasına səbəb olur. Gələcəkdə bu sürüş tərzi avtomobil sahibi üçün bahalı təmirlə nəticələnə bilər.
İkinci halda isə 1000-1200 dövriyyə ilə hərəkət edən avtomobilin mühərrikində yağ təzyiqi azalır və sonra yağ pompası işini dayandırır. Nəticədə mühərrikin yağı daha az təsirli olur, elementlərin divarlarında sürtünmə meydana gəlir və sürtünmə hissələri daha pis yağlanır.
Digər tərəfdən isə mühərrik klapanları daha sürətli köhnəlir. Çünki elementin dönə bilməməsi səbəbindən səthlərində kiçik çöküntülər meydana gəlir.
Bu hallardan yayınmaq üçün mütəxəssislər avtomobili 1800-3000 dövriyyə ilə sürməyi məsləhət görür. Əks halda mühərrik daha çox yüklənir və bu da onun vaxtından əvvəl sıradan çıxmasına səbəb olur.
 

Aysel