Bakıda sürücülərin mübahisə etdiyi küçə: burada yol kimindir? - CAVAB - VİDEO

Bir neçə sürücü Avtosfer.az-a müraciət edərək bildirib ki, Xocalı prospektində - Xətai rayon İcra Hakimiyyətinin qarşısında hərəkətin təşkili ilə bağlı problem var. Həmin ərazidə sürücülər bir-birinə yol verməyərək dəfələrlə mübahisə ediblər. Hətta zaman-zaman qəzalar da baş verib. Həmin sürücülər ərazidən çəkilən görüntüləri Avtosfer.az-a göndərib və burada üstünlüyün hansı tərəfə verilməsi ilə bağlı sual ünvanlayıblar.  
Avtosfer.az bildirir ki, “Yol hərəkəti haqqında” qanunun tələbinə görə, həmin ərazidə hərəkət növbəliliyi hər hansı formada nizamlanmadığı üçün sol tərəfdən hərəkət edən sürücülər sağ tərəfdən düzünə gedənlərə yol verməlidirlər. Yəni, videonun qeydə alındığı avtomobil hərəkət üstünlüyünə malikdir. Çünki qanun deyir ki, mövcud situasiyada sağdan düzünə gələn nəqliyyat vasitələri üstünlüyə malikdir.
Görünür, bəzi sürücüləri başa salmaq üçün əraziyə mütləq “Stop”, “Yol ver” (2.4, 2.5) nişanları qoyulmalı və ya nişanlanma xətləri ilə hərəkət növbəliliyi tənzimlənməlidir.

Orxan