Bu maşınların qabaq oturacağında uşaqların oturmasına görə SÜRÜCÜ CƏRİMƏLƏNƏ BİLMƏZ

Qüvvədə olan “Yol hərəkəti haqında” qanuna görə minik avtomobillərinin ön oturacağında 12 yaşınadək uşaqların daşınması xüsusi uşaq oturacağı vasitəsilə icazə verilir. Xüsusi qurğu olmadan ön kresloda uşaqların daşınmasına görə sürücünü 3 bal 60 manat məbləğində cərimə gözləyir.

Bəs yük avtomobillərinin ön oturacağında uşaqların daşınmasına icazə verilir, yoxsa yox?

“Yol hərəkəti haqqında” qanunun 56-cı maddəsinin IX hissəsinin 2-ci bəndində konkret olaraq göstərilib ki, motosikletin arxa oturacağında, minik avtomobilinin qabaq oturacağında uşağı saxlayan xüsusi qurğu olmadıqda 12 yaşınadək uşaqları həmin nəqliyyat vasitələrində daşımaq qadağandır. Burada yük avtomobillərinin ön oturacağında uşaqların daşınması qeyd olunmadığı üçün həmin nəqliyyat vasitələrinin ön oturacağında 12 yaşınadək uşaqların tək və ya hər hansısa sərnişinin qucağında daşınması qaydalar çərçivəsində olacaqdır. Bu əmələ görə sürücü məsuliyyətə cəlb oluna bilməz.

Təbriz