Yayda sürücülər uşaqları və heyvanları niyə avtomobildə unudur? - Maraqlı ARAŞDIRMA - VİDEO

“Ford” yayda kilidli avtomobillərdə uşaqların və heyvanların unudulması probleminə həsr olunan bir video yayımlayıb. 
Avtosfer.az bildirir ki, yayda maşında qalan uşaqlar böyüklərdən üç-beş qat daha sürətli isinir.
Avtomobil salonunun istidə necə bir “sobaya” çevrildiyini aydın şəkildə göstərmək üçün “Ford Focus” test mərkəzində uşağı və iti buz fiqurları ilə əvəz edib. Daha sonra salonda istilik 35 dərəcə selsi təyin olunub və günəş işığını simulyasiya etmək üçün güclü lampalar maşına yönəldilib. Avtomobilin içində çox tez bir zamanda hava istiliyi 50 dərəcə selsiyə yüksələrək uşaq və köpək fiqurları əridib. Bununla da “Ford” şirkəti sürücülərə təhlükəni bir daha xatırlatmağa çalışıb. 
Xüsusən də son günlərdə havaların anormal dərəcədə isti keçməsi hər kəsi daha diqqətli olmağa çağırır. Avtomobildən enərkən azyaşlı uşaqlarınızı və heyvanlarınızı özünüzlə aparın.

Aysel