Maşının bu detalına diqqət etməsəniz, 2-3 min dollar xərcə düşə bilərsiz - XƏBƏRDARLIQ

Avtomobil sənayesindəki illərin təcrübəsi göstərir ki, mühərrikin ən çox aşındığı an onun işə salındığı ilk dəqiqələrdir.

Avtosfer.az xəbər verir ki, bu mərhələdə mühərrik hissələri lazımi yağlama olmadan yüksək sürtünməyə məruz qalır və bu da mühərrikin ömrünü qısaldaraq baha başa gələn təmirlərə səbəb ola bilər.

Mühərrikin ömrünü uzatmaq üçün sürücülərə ən çox tövsiyə edilən addımlardan biri avtomobili uzaqdan işə salma funksiyasından imtina etməkdir. Bu sistem adətən alət panelində “A” hərfi və dairəvi ox simvolu ilə göstərilir və sadə bir düymə ilə deaktiv edilə bilər.

Mütəxəssislər qeyd edirlər ki, uzaqdan işə salma xüsusilə soyuq havalarda mühərriki daha çox yükləyir. Yağın mühərrikdə bərabər paylanması vaxt tələb etdiyindən, hissələrin aşınması artır və uzunmüddətli dövrdə mühərrikin sıradan çıxmasına səbəb ola bilər.

SUV və krossover modellərində bu funksiyaya geniş üstünlük verilsə də, onun yaratdığı aşınma gələcəkdə 2-3 min dollar arasında dəyişən xərclərə gətirib çıxara bilər.
Ekspertlərin fikrincə, ən təhlükəsiz üsul sürücünün mühərriki özü işə salması və idarəetməyə dərhal başlamasıdır. Bu zaman yağ dövriyyəsi daha tez bərpa olunur, mühərrik hissələri balanslı şəkildə qorunur və nəticədə mühərrikin ömrü ikiqat artmış olur.

Eltac Zülfüqaroğlu