Rayona gedən sürücülər yolda yuxulamamaq üçün bunlara əməl etməlidir - QAYDALAR

Öyrənək 22 İyul 2021 15:55 Oxunub 6280
Rayona gedən sürücülər yolda yuxulamamaq üçün bunlara əməl etməlidir - QAYDALAR
WhatsApp kanalımıza abunə ola bilərsiniz

Uzun səyahətlər zamanı yarana biləcək təhlükələrindən biri də avtomobil idarə edərkən yuxuya getmək riskidir. Təcrübəli sürücülər, xüsusən də daim uzun səfərlərdə olub yük avtomobili idarə edənlər yuxuya getməməyin yollarını tapıb.

Avosfer.az bildirir ki, uzun səfərə çıxmazdan əvvəl hər bir sürücü öncə marşrutunu və mümkün ola biləcək istirahət yerlərini dəqiq müəyyənləşdirməlidir. Nəyin bahasına olursa-olsun uzun məsafəni bir anda qət etməyə çalışmaq çox risklidir. Yorğun sürücü yalnız özü üçün deyil digər yol istifadəçiləri üçün də təhlükəlidir.

Təcrübəli sürücülər səfər zamanı parklanma zonasında 30 dəqiqə yuxuya gedərək yorğunluqlarını çıxarıb sonra yola davam edir. Bu əbəs yerə deyil. İnsan yuxusunun fiziologiyasına əsasən yarımsaatlıq istirahət yorğunluğu aradan qaldırıb daha çevik hərəkət üçün gücü artırmağa imkan verir. Hətta bunun üçün yük maşını sürücülüəri telefonlarında alarm saatı qururlar.

Keçmişdə sürücülər buna görə maraqlı bir üsul istifadə edirdilər. Belə ki, yarım saat yatmağa qərar verən sürücü ovcuna bir neçə dəmir pul qoyaraq uzanırdı. Əlinin altına isə dəmir bir qab yerləşdirirdi.  Sürücü dərin yuxu mərhələsinə girdikdə əzələlər boşaldığından pul əlindən düşüb dəmir qabda səs yaradırdı və bu da sürücünü yuxudan oyadırdı. 
Bundan başqa mədə-bağırsaq traktının fəaliyyəti də uzun məsafələrdə sürücünün yuxuya getməməsinə imkan verir. Bir çox sürücü bunun üçün saqqızdan istifadə edir, bəziləri isə  yol boyunca soyulmuş qoz-fındıq yeməyə üstünlük verir. Lakin bu düzgün deyil, çünki ardıcıl olaraq nəsə yemək mədə-bağırsaq sistemini yükləyir. Əgər sürücü yatmamaqçün bir şey yemək istəyirsə, o zaman sadəcə hər 5 dəqiqən-bir bir ədəd qoz-findiq yeməlidir.

 
Həmçinin sürücü uzun səfərlərdə içki olaraq buzlu çaylardan, qəhvə və ya qazlı sudan da istifadə edə bilər. Ancaq əgər sürücü ciddi yorğunluq hiss edirsə mütləq dincəlməldir. 

 

Aysel

ŞƏRH YAZ
Ad

E-mail

Şərh