Sərxoş sürücünün maşını bu halda duracağa aparıla bilməz

Yol hərəkəti qaydalarının pozulmasına görə bir neçə hal var ki, həmin hallarda nəqliyyat vasitəsi Dövlət Yol Polisi İdarəsinin mühafizə olunan duracağına yerləşdirilir. Avtosfer.az">Avtosfer.az xəbər verir ki, bunlardan biri də nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə edilməsi nəticəsində sərxoş vəziyyətdə olan şəxs tərəfindən idarə olunmasıdır. Lakin, sürücü sərxoş olan zaman bu halda nəqliyyat vasitəsi duracağa aparıla bilməz.

O hal hansıdır?

İnzibati Xətalar Məcəlləsinin 96.1.4-cü maddəsində qeyd olunub ki, sürücü nəqliyyat vasitəsini sərxoş vəziyyətdə idarə edən  zaman, onunla birlikdə gedən sərnişinin nəqliyyat vasitəsini idarə etmək hüququ olmadıqda avtomobil duracağa yerləşdirilir. Qanunun bu normasına görə sərxoş sürücü yol polisi əməkdaşı tərəfindən saxlanılan zaman onunla birlikdə gedən sərnişinin sürücülük hüququ varsa, bu halda avtomobil duracağa aparıla bilməz. Yəni, sərnişin sükan arxasına keçərək sərxoş sürücünü mənzil başına kimi apara bilər. Lakin bu o demək deyil ki, sürücü məsuliyyətdən kənarda qalır.
Belə halda sərxoş sürücünün sürücülük vəsiqəsi əlindən alınır və ona müvəqqəti sürmə talonu verilərək sərbəst buraxılır.
 

Təbriz