Sığortanı vaxtında yeniləmədikdə xərcə düşə bilərsiniz: 20 gün müddət nə üçündür?

Öyrənək 25 Avqust 2021 11:03 Oxunub 24228
Sığortanı vaxtında yeniləmədikdə xərcə düşə bilərsiniz:  20 gün müddət nə üçündür?
WhatsApp kanalımıza abunə ola bilərsiniz

Azərbaycanda mövcud qanunvericilə görə avtomobilin icbari sığortasının vaxtı bitdiyi zaman bir dəfə cərimə tətbiq olunur. Sonrakı 20 gün müddətində DYP tərəfindən sürücüyə cərimə tətbiq olunmur. 20 gün bitdikdən sonra isə yeni cərimə gəlir. Bəzi sürücülər isə bu müddəti sığorta müddətinin uzadılması kimi başa düşür. Eyni zamanda avtomobili addan-ada keçirən zaman sığorta müqaviləsinin dəyişdirilməməsi, həmçinin istifadədə olan mobil nömrənin təqdim edilməməsi halları baş verir. Bir çox hallarda isə sürücülər buna əhəmiyyət etmir. Sonda isə bir sıra problemlər ortaya çıxır.

Nəqliyyat eksperti Elməddin Muradlı hesab edir ki, sürücülər 20 günlük müddəti fürsət kimi dəyərləndirməməlidir. “ İlk cərimədən sonra verilən bu müddət sürücünü DYP tərəfindən yenidən cərimə olunmaqdan azad edir. Amma bir məsələyə diqqət etmək zəruridir ki, daha artıq cəriməyə düşməyək. Sığorta müqaviləsinin vaxtı bitdiyi üçün həmin 20 gün ərzində hər hansı bir qəza hadisəsi olarsa sığorta şirkəti bu ziyanı qarşılamayacaq. Nəticədə sürücü özü əlavə xərcə düşəcək. Odur ki, sığorta müqaviləsinin vaxtı bitən kimi dərhal yenilənməlidir.”

Elməddin Muradlı deyir ki, sürücülər çox vaxt sığorta müqaviləsinin vaxtının nə zaman bitdiyini bilmədiklərindən şikayət edirlər. “Burada bir neçə amil mövcuddur. Əvvala sıorta müqaviləsi zamanı işlək mobil nömrə təqdim etdikdə İcbari Sığorta Bürosu müqavilənin bitməsi ilə bağlı sürücüyə SMS məlumat göndərir. Eyni zamanda avtomobili addan-ada keçirən zaman da diqqətli olmaq lazımdır. Sığorta müqaviləsi mütləq dəyişməlidir ki, əlavə problemlər çıxmasın.”

Qeyd edək ki, sürücülərin bu məsələlərə diqqətsizlik etməsi müəyyən neqativ problemlər ortaya çıxarır ki, müzakirə və əlavə vaxt itkisinə səbəb olur. Odur ki, əlavə xərcə düşməmək, vaxt itirməmək üçün məsuliyyətli olmaq daha yaxşıdır.

 

Orxan Əli

ŞƏRH YAZ
Ad

E-mail

Şərh