Toy karvanında necə hərəkət etmək lazımdır? - DYP-dən VİDEO

Ölkəmizdə toylara icazə veriləndən sonra yollarda toy karvanlarına tez-tez rast gəlirik. Əsasən gənc sürücülər toy karvanında hərəkət edərkən qaydaları kobud şəkildə pozaraq təhlükəli hərəkətlər edirlər. Dövlət Yol Polisi İdarəsi belə karvanlarda avtomobil sayının 5-6-dan çox olmamasını tövsiyə edir. Bəzən karvan çox uzun olduğu üçün öndə gedən bəy-gəlin avtomobili svetoforun yaşıl işığında yolayrıcına daxil olur, lakin ardınca gələn sürücülər qırmızı işığa düşdüyü üçün karvandan geri qalmamğa görə qadağan olunmuş işıqda hərəkətlərinə davam edirlər. Bununla yanaşı iki, hətta üç cərgə olmaqla asta sürətlə hərəkət edən sürücülər bütün zolaqları zəbt edərək yolda sıxlığa səbəb olurlar.

Bəs toy karvanında necə hərəkət etmək lazımdır?

Avtosfer.az xəbər verir ki, toy karvanında bir cərgə üzrə 5-6 maşından çox olmamaq şərtilə hərəkət etmək lazımdır. Bununla yanaşı hərəkət sürətinə, manevr qaydalarına ciddi şəkildə riayət etmək lazımdır. Əsasən toy sahibi öncədən karvanda hərəkət edən sürücülərə yolda qaydaları pozmamağı, toyu yasa çevirməməyi xatırlatmalıdır.

Təbriz