Yayda qış təkəri istifadə etmək hansı fəsadlara yol açır? - Yanacağa təsir edirmiş

Qış təkərlərindən yay təkərlərinə keçmənin zamanı artıq bitir. 

Qışda yay təkərləri ilə avtomobil idarə etmək nə qədər təhlükəlidirsə, yayda da qış təkərləri bir o qədər təhlükə yaradır. Qəzaların qarşısını almaq üçün təkərləri zamanında dəyişmək çox önəmlidir. 
Avtosfer.az bildirir ki, qış təkərləri ilə isti havalarda, xüsusən də 20 dərəcədən çox hərarəti olan günlərdə yola çıxmaq qəzaya yol aça bilər. 
Mütəxəssislər hələ də təkərlərini dəyişməyənlərə isti havalarda avtomobillərini qısa məsafələrdə sürməyi məsləhət görür.

Bundan başqa avtomobillərin yayda qış təkərləri ilə idarə edilməsi yanacaq sərfiyyatını da artırır.
Mütəxəssislər bildirir ki, təkər yumşaq olduğu üçün 20 dərəcədən daha isti havada vakumlar tıxanır. Nəticədə sürüşmə yaranır və bu hal qəzaya gətirib çıxarır. Yanacaq sərfiyyatının artmasına səbəb isə qış təkərlərində yaranan vakum nəticəsində onların yola daha çox yapışmasıdır. Belə ki, bu zaman mühərrikə güc düşür və yanacaq çox istifadə olunur. 
Həmçinin qış təkərini yayda sürdükdə onun istifadəyə yararlılıq müddəti 1-2 ay daha qısalır.