"Yol hərəkəti qaydalarını necə bilirik" mövzusunda online yarış keçirilib - FOTO

Dekabrın 29-da 1 nömrəli Uşaq-Gənclər İnkişaf Mərkəzinin təşkilatçılığı ilə “Yol hərəkəti qaydalarını necə bilirik!” mövzusunda onlayn yarış keçirildi.

Məqsəd uşaqların yol hərəkəti qaydaları haqqında bilik səviyyələrini yoxlamaq, istedadlı uşaqları müəyyən etməkdən ibarət olmuşdur.

Yarışda Bakı Şəhər Dövlət Yol Polisi İdarəsinin əməkdaşları polis baş leytenantı Toğrul Nəsirli, polis mayoru Araz Əsgərli, polis baş leytenantı Pərvanə Muradova, 1 nömrəli Uşaq-Gənclər İnkişaf  Mərkəzinin direktoru Kəmalə Abdullayeva, direktor müavini Samirə Hüseynova, 34, 45, 211, 244, 266 nömrəli tam orta məktəblərdə fəaliyyət göstərən yol hərəkəti qaydaları dərnəyinin  üzvləri, müəllimlər və valideynlər iştirak etdi. Uşaqlar səsləndirilən sualları cavablandırdılar. Polis əməkdaşları və Mərkəzin direktoru Kəmalə Abdullayeva çıxış edərək uşaqların cavablarını yüksək qiymətləndirdilər.