Bakı-Sumqayıt yolunda "güllə" kimi uçan "zerkalni" nömrəli yük maşını - 10-ZK-003 - VİDEO

Bakı-Sumqayıt yolunda yük maşını ilə qaydaları pozan sürücü təhlükə saçıb. Avtosfer.az xəbər verir ki, hadisə aprelin 8-də, sözügedən yolun üzü şəhər istiqamətinə olan hissəsində qeydə alınıb.

Belə ki, 10-ZK-003 qeydiyyat nişanlı yük avtomobilinin sürücüsü yüksək sürətlə bir neçə kobud qayda pozuntusu törədib. O, ən sol zolağa çıxaraq yolun hərəkət hissəsində yerləşmə qaydasını pozub. Bu zaman görüntünü qeydə alan sürücü 110-km/saat sürətlə hərəkət etsə də, ona çata bilməyib. Daha sonra həm manevr, həm də ötmə qaydalarını pozan sürücü yüksək sürətlə avtomobilləri keçməyə başlayıb. Yol boyunca bu hərəkətləri təkrarlayan sürücü daha sonra avtobus zolağına çıxaraq digər yük avtomobillərini də ötüb.

Təhlükə saçan həmin anların videosunu təqdim edirik.

Fərid