Bakıda imkanlı şəxslər yolu şlaqbaumla bağlayıb – QURUMLARDAN REAKSİYA YOXDUR - VİDEO

Paytaxtın Binəqədi rayonunda, Baksol yolu ilə 4-cü mikrorayon dairəsi arasında yerləşən alternativ yol naməlum şəxslər tərəfindən bağlanıb. Sakinlərin sözlərinə görə, bu yol uzun müddət sürücülərin tıxacdan yayınması üçün əsas alternativ kimi istifadə olunurdu.

Avtosfer.az xəbər verir ki, bu, ilk belə hal deyil. Daha öncə də Binəqədidə müxtəlif yolların qanunsuz şəkildə bağlanması və ya məhdudlaşdırılması müşahidə edilib. Sakinlər və sürücülər dəfələrlə aidiyyəti qurumlara müraciət etsələr də, problem həllini tapmır.

Son olaraq, alternativ yola şlaqbaum və “STOP” işarəsi qoyulub və həmin yol tamamilə bağlanıb.

Sürücülər və ərazidə yaşayanlar aidiyyəti qurumlardan məsələyə müdaxilə etməyi və yola qoyulan şlaqbaumun sökülməsini tələb edirlər.

Eltac Zülfüqaroğlu