Bakıda “Lexus” sürücüsü küçəni zibillədi - 90-LD-800 - VİDEO

Paytaxtın Binəqədi rayonunda küçəni zibilləyən sürücü kameraya düşüb.

Avtosfer.az-ın məlumatına görə, hadisə mayın 22-də saat 10:00 radələrində Svetlana Məmmədova və İsrail Həşimov küçələrinin kəsişməsində qeydə alınıb. Kadrlardan görünür ki, 90-LD-800 dövlət nömrə nişanlı “Lexus” markalı avtomobilin sürücüsü nəqliyyat vasitəsinin pəncərəsindən tullantını birbaşa yolun hərəkət hissəsinə atıb.

Sürücünün bu davranışı həm şəhərin sanitar vəziyyətinə mənfi təsir göstərir, həm də digər hərəkət iştirakçıları üçün xoşagəlməz mənzərə yaradır. Xüsusilə sıx hərəkət olan küçələrdə avtomobildən atılan kiçik tullantılar belə yol kənarında çirklənmənin sürətlə artmasına səbəb olur.

Xatırladaq ki, İnzibati Xətalar Məcəlləsinin 352.2-ci maddəsinə əsasən, yollara və yol qurğularına tullantı atılmasına görə fiziki şəxslər 200 manat, vəzifəli şəxslər 1000 manat, hüquqi şəxslər isə 4000 manat cərimə edilə bilər.

Nərmin