Başı telefona qarışan sürücü hərəkətə mane oldu - 77-YU-026 - VİDEO

Paytaxtın Babək prospektində yol hərəkəti qaydasını pozan sürücü kameraya düşüb.

Avtosfer.az-ın məlumatına görə, hadisə mayın 26-da saat 11:38 radələrində qeydə alınıb. Kadrlardan görünür ki, 77-YU-026 dövlət nömrə nişanlı “VAZ-2121” (“Niva”) markalı avtomobilin sürücüsü hərəkət zamanı mobil telefonla danışır. Diqqətinin yayınması nəticəsində sürücü nəqliyyat axınına uyğun şəkildə hərəkəti davam etdirə bilmir və yolun hərəkət hissəsində dayanaraq baş yoldan gələn avtomobillərin gedişinə mane olur.

Bu zaman görüntünü qeydə alan sürücü siqnal verərək ona xəbərdarlıq edir.

Qeyd edək ki, sükan arxasında mobil telefondan istifadə diqqətin yayınmasına və yol şəraitinə gec reaksiya verilməsinə səbəb olur. Belə hallar xüsusilə sıx hərəkətli prospektlərdə qəza riskini artırır və ümumi nəqliyyat axınının pozulmasına gətirib çıxarır.

Nərmin