Bu sürücü “BMW”ni hər gün keçidin üzərində saxlayır - Piyadalar boğaza yığılıb - FOTO

Paytaxtın Parlament prospektində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “Facebook” səhifəsinə fotoşəkillər göndərib. Fotodan da aydın görünür ki, 77-UC-767 dövlət nömrə nişanlı “BMW” markalı avtomobilin sürücüsü maşını piyada keçidinin üzərində park edib. Nəticədə ərazidən keçən piyadalar zebradan istifadə edə bilməyiblər. Şikayətçi sözügedən sürücünün mütəmadi olaraq həmin yerdə saxladığını bildirib. Onun sözlərinə görə, mövcud vəziyyətdən ən çox yaxınlıqdakı 20 nömrəli orta məktəbə gələn şagird və valideynlər əziyyət çəkir.

Görüntüdə “BMW” ilə yanaşı 10-SM-333 dövlət nömrə nişanlı “Lexus” markalı avtomobilin sürücüsü də qayda pozub. Belə ki, o, “BMW” arxa tərəfində saxlayaraq piyadaların yolu keçməsini mümkünsüz hala gətirib. 

Nərmin