Dairəvi yolda təhlükəli anlar: Səhv zolaqda gedən sürücü qəzadan son anda yayındı - VİDEO

Bakı Dairəvi yolunda (Lökbatan dairəsi istiqamətində) qayda pozan sürücü qəza şəraitinə səbəb olub.

Avtosfer.az-ın məlumatına görə, hadisə aprelin 15-də saat 08:24 radələrində qeydə alınıb. Hərəkətdə olan 77-CD-055 dövlət nömrə nişanlı “Chevrolet” markalı avtomobilin sürücüsü manevr qaydasını pozub. Belə ki, hərəkət istiqamətini dəyişmək istəyən sürücü sol zolaqdan qəfil sağa keçid edib və bu vaxt həmin zolaqdakı maşına təhlükə yaradıb. Görüntünü qeydə alan sürücü sağa manevr edərək baş verəcək qəzadan xilas olub. 

Təəssüf ki, bu qayda pozuntusu sürücülər arasında ən geniş yayılanlarındandır. Onların bir qismi bu xətanın ağır nəticələrə səbəb olacağını düşünmür, hətta qaydanı pozan sürücüyə yol verilməsini daha məqbul zənn edir.

Təbii ki, videodakı kimi təhlükəli vəziyyətin yaranmaması üçün sürücü öncədən düzgün hərəkət zolağında yerləşməlidir. Eyni zamanda hər bir sürücü manevr etməzdən öncə zolağın boş olduğuna əmin olmalıdır. 

Nərmin