Dövlət qurumu yolu qazıb üzərini açıq saxladı - İnsanların həyatı təhlükə altındadır - VİDEO

Mehdiabad yolunda təhlükəli vəziyyət insanları narahat edir. Sürücülərdən biri bu nöqsanı qeydə alaraq şəxsi sosial şəbəkə hesabında paylaşıb və ictimaiyyətin diqqətinə çatdırıb. Avtosfer.az xəbər verir ki, sözügedən ərazidə təmir işləri ilə bağlı qazıntı işləri aparılıb. Lakin burada təhlükəsizlik tədbirlərinə riayət olunmaması vəziyyəti ciddiləşdirib.

Görüntülərdən aydın olur ki, qazılmış çuxur heç bir xəbərdarlıq nişanı, işıqlandırma, qoruyucu lent və ya baryerlərlə əhatə olunmayıb. Çuxurun üstünün açıq qalması həm sürücülərin, həm də piyadaların həyatını ciddi şəkildə təhlükə altına alır. Xüsusilə axşam saatlarında bu sahə qəzaların baş verməsinə səbəb ola bilər.

Yaranmış vəziyyətin dərhal aradan qaldırılması və təhlükəsizlik tədbirlərinin görülməsi zəruridir.

Fərid