Güzgüyə baxmadan zolağını dəyişən sürücü az qala zəncirvari qəza törədəcəkdi - VİDEO

Paytaxtın Atatürk prospektində kobud qayda pozan sürücü görüntülənib.

Avtosfer.az-ın məlumatına görə, hadisə oktyabrın 22-də səhər saatlarında qeydə alınıb. Videodan göründüyü kimi, 90-HV-171 dövlət nömrə nişanlı “Subaru” markalı avtomobilin sürücüsü hərəkət etdiyi zolaqdan qəfil sağa manevr edib. Bu zaman o, həmin zolaqdakı avtomobilə qəza riski yaradıb. Görüntünü qeydə alan sürücü dəfələrlə siqnal versə də, qayda pozan şəxs hərəkətinə davam edib. Ardınca təhlükə ilə üzləşən sürücü ona yaxınlaşaraq “Güzgüyə bax” deyə iradını bildirib.

Qeyd edək ki zolaq dəyişmək istəyən sürücülər əvvəlcə arxa və yan güzgülərlə hərəkət istiqamətini yoxlamalı, siqnal verərək manevr etməlidirlər. Qaydalara əməl etməmək həm özləri, həm də digər hərəkət iştirakçıları üçün ciddi təhlükə yaradır.

Nərmin