Hansı zolaqda hərəkət etməsinə qərar verə bilməyən sürücü təhlükə yaratdı - VİDEO

Paytaxtın Füzuli küçəsində qayda pozan sürücü qəza şəraitinə səbəb olub.

Avtosfer.az-ın məlumatına görə, hadisə fevralın 5-də saat 21:00 radələrində qeydə alınıb. Videoda 77-FX-123 dövlət nömrə nişanlı “Mercedes” markalı avtomobilin sürücüsü manevr qaydasını pozduğu aydın şəkildə əks olunub. Belə ki, sözügedən sürücü dönmə işığını yandırmadan hərəkətdə olduğu zolaqdan sola manevr edib və həmin zolaqdakı maşına təhlükə yaradıb. Bu vaxt qəza riskiylə üzləşən sürücü öncə maşının işığını yandırıb söndürərək, ardınca siqnal verərək xəbərdarlıq edib. Lakin “Mercedes” sürücüsü ona əhəmiyyət vermədən hərəkətinə davam edib. Bir müddət sonra o, yenidən sağ zolağa keçid edib. 

Nərmin