İki zolağın ortasıyla gedən sürücü maşınları sıxışdırıb təhlükə yaratdı - VİDEO

Paytaxtın Hava limanı yolunda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə oktyabrın 22-də, saat 07:17 radələrində qeydə alınıb.Kadrlardan açıq şəkildə görünür ki, 77-SG-183 dövlət nömrə nişanlı “Nissan” markalı avtomobilin sürücüsü manevr qaydasını kobud şəkildə pozub. Belə ki, o, əvvəl hərəkətdə olduğu zolaqdan sağa manevr edib və bir müddət iki zolağın ortası ilə hərəkətini davam etdirib.

Bu zaman sürücü həm sol, həm də sağ zolaqda hərəkət edən avtomobillərin istiqamətinə müdaxilə edərək onları sıxışdırıb və qəza təhlükəsi yaradıb. Daha sonra o, sağ zolaqdakı avtomobilin önünə keçərək hərəkətini davam etdirib.

Yol hərəkəti qaydalarına əsasən, sürücü manevr edərkən digər nəqliyyat vasitələrinin hərəkətinə mane olmamalı və təhlükəsizlik təmin edilməlidir. Bu tələbin pozulması həm qəza ehtimalını artırır, həm də inzibati məsuliyyət yaradır.

Nərmin