Ötmə qaydasından xəbərsiz sürücü maşınların üzərinə sürdü - VİDEO

Əks yolda ötmə əməliyyatı həyata keçirən sürücü təhlükəli anlar yaşadıb. Avtosfer.az xəbər verir ki, hadisə fevralın 16-da, Sabirabad rayonu ərazisində qeydə alınıb.
Belə ki, 77-LM-457 qeydiyyat nişanlı "Toyota Prius" markalı avtomobilin sürücüsü əks istiqamətə çıxaraq ötmə edib. Bu zaman qarşıdan gələn avtomobilin üzərinə sürərək ona qəza vəziyyəti yaradıb. Sürücü üz-üzə toqquşmadan yayınmaq üçün maksimum sağa manevr edərək yol çiyninə çıxıb.
Bəzən sürücülər elə düşünürlər ki, yolda qırıq-qırıq xətt varsa istədikləri vaxt ötmə edə bilərlər. Lakin qanunvericiliyə görə, sürücü ötməyə başlamazdan əvvəl əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq.

Fərid