Qaradağda təhlükəli anlar: İki sürücü yolu yarış trasına çevirdi - VİDEO

Paytaxtın Qaradağ rayonu, Sahil qəsəbəsində qayda pozan sürücülər avtomobil kamerasına düşüb.

Bu barədə izləyicilərdən biri Avtosfer.az-ın “Whatsapp” ünvanına video göndərib. Hadisə oktyabrın 19-da saat 22:42 radələrində qeydə alınıb. Kadrda 99-A-653 dövlət nömrə nişanlı “Suzuki” markalı motosiklet və 99-XK-252 dövlət nömrə nişanlı “Hyundai” markalı avtomobilin sürücülərinin hərəkətdə olan digər nəqliyyat vasitəsini soldan ötməklə kobud qayda pozduqları görünür.

Görüntülərdən də aydın olur ki, əvvəlcə motosiklet, daha sonra avtomobil yüksək sürətlə hərəkət edərək bir-biri ilə yarışır. İzləyicinin iddiasına görə, sürücülər yol boyu təhlükəli manevrlər edərək digər hərəkət iştirakçıları üçün real təhlükə yaradıblar.

Nərmin