Qırmızı işıqda keçən sürücü piyadanı vurmaqdan güclə yayındı - ANBAAN VİDEO

Paytaxtın Nərimanov rayonu, Xəlil Rza Ulutürk küçəsində kobud qayda pozan sürücü qəzadan son anda yayınıb.

Avtosfer.az-ın məlumatına görə, hadisə iyulun 7-də saat 20:06 radələrində qeydə alınıb. Müşahidə kamerasının qeydə aldığı görüntülərdən görünür ki, 99-PY-201 dövlət qeydiyyat nişanlı “Chevrolet” markalı avtomobilin sürücüsü işıqforun qırmızı işığında dayanmadan hərəkətini davam etdirib.

Sürücü, həmçinin piyada keçidindən keçən şəxsə üstünlük verməyərək avtomobili keçidin üzərinə sürüb. O, piyadanın yolu tam keçməsini gözləmədən hərəkət etməyə cəhd göstərib və nəticədə avtomobil piyadaya toxunub. Sürücü son anda nəqliyyat vasitəsini saxlayaraq daha ağır nəticələrin qarşısını alıb.

Hadisədən sonra piyada sürücüyə yaxınlaşaraq etirazını bildirib. Lakin bununla da qayda pozuntuları bitməyib. Belə ki, sözügedən sürücü işıqforun qadağanedici siqnalının son saniyələrini gözləmədən yolayrıcına daxil olaraq digər hərəkət iştirakçıları üçün də təhlükəli vəziyyət yaradıb.

Nərmin