Qırmızıda dayanmayıb qoşa xəttin üzərindən şütüyən sürücü təhlükə saçdı - VİDEO

Paytaxtın Səbail rayonu, Badamdar qəsəbəsində kobud qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə oktyabrın 20-də saat 14:11 radələrində qeydə alınıb. Videodan göründüyü kimi, 10-AZ-869 dövlət nömrə nişanlı “Toyota” markalı avtomobilin sürücüsü qoşa xətti tapdalayaraq əks istiqamətli yola çıxıb. Eyni zamanda o, işıqforun qırmızı işığında dayanmadan hərəkət edib. Nəticədə qayda pozan sürücü keçiddən yolu keçən piyadanı da gözləməyib və bu zaman ona qəza şəraiti yaradıb. 

Qaydaların bu cür kobud şəkildə pozulması həm piyadalar, həm də digər sürücülər üçün ciddi təhlükə yaradır. Unutmaq olmaz ki, yol hər birimizin məsuliyyət zonasıdır.

Nərmin