Səki yoxdur, avtomobillər hətta yolun ortasında yuyulur - FOTO

Paytaxtdakı bir çox küçə və prospektlərində sahibkarların özbaşınalıqlaqrı hələ də davam edir. Ölkə başçısının bu ilin yanvar ayında Bakının nəqliyyat infrastrukturunda dəyişikliklərin edilməsi ilə bağlı verdiyi sərəncamın cirasına hələ də başlanmayıb.

Avtosfer.az xəbər verir ki, paytaxtın Yasamal rayonunda yerləşən avtoyuma məntəqəsi səkidə fəaliyyət göstərərək sakinlərə çətinlik yaradır.

Belə ki, rayonun Şəfayət Mehdiyev küçəsindəki “Car Wash” adlı obyekt onsuz da dövlət qurumları tərəfindən unudulan səkini obyektin yuma hissəsinə çevirib. Hətta o vəziyyət yaranıb ki, içəridə bir avtomobil yuyulan zaman yolun kənarında yola perpendikulyar parklayan sürücülər də nəqliyyat vasitələrinə “əlüstü su da çəkdirə bilir”.

Ərazinin görüntüləri sosial şəbəkələrdə müzakirələrə səbəb olub. Sakinlər yaranan vəziyyətin aidiyyəti qurumlar tərəfindən aradan qaldırılmasını xahiş edir.

Qeyd edək ki, belə iaşə müəssisələrinin səkini tamamilə zəbt etməsi vətəndaşların yolun hərəkət hissəsinə çıxaraq irəliləməsinə, nəticədə də piyadavurma hadisəsinə gətirib çıxarır.

Səfər