Zolaqda dayanıb telefonla danışan qadın sürücü digərlərinə 150 manatlıq qayda pozdurdu - VİDEO

Sumqayıt şəhəri, Lermontov küçəsində qayda pozan sürücü avtomobilin kamerasına düşüb.

Bu barədə Avtosfer.az-a izləyicilərdən biri “Whatsapp” vasitəsilə video göndərərək məlumat verib.

Hadisə oktyabrın 22-də saat 12:10 radələrində qeydə alınıb. Kadrlardan görünür ki, 50-EG-662 dövlət nömrə nişanlı “KIA” markalı avtomobilin sürücüsü dayanma-durma qaydasını pozub. Belə ki, o, nəqliyyat vasitəsini dayanma-durmanı qadağan edən nişanın təsir sahəsində saxlayaraq bir zolaqlı yolu kəsib.

Nəticədə sürücü ərazidən keçən avtomobillərin hərəkətinə əngəl yaradıb. İzləyicinin iddiasına görə, qayda pozan xanım sürücü hadisə zamanı mobil telefonla danışıb. Bu səbəbdən digər sürücülər bütöv xəttin tələbini pozaraq əks istiqamətli yola çıxmağa məcbur olublar.

Nərmin