Bakıda gülməli vəziyyət: Parklanma yerinə avtobus dayanacağı nişanı quraşdırdılar - VİDEO

Bakıda quraşdırılan yol nişanı sürücüləri və sərnişinləri çaş-baş salıb. Avtosfer.az xəbər verir ki, söhbət paytaxtın 28 May küçəsindən gedir. Belə ki, avtobus dayanacağı ilə nişan arasında müəyyən məsafə olduğu üçün hərəkətin təşkilində ziddiyət yaranıb. Avtobus dayanacağını bildirən 5.12 nişanı avtomobillərin parklanma yerinə quraşdırıldığı üçün orada dayanan sürücülər 40 manat məbləğində cərimə edilir. Sərnişinlər isə nişandan əvvəl quraşdırılmış stansiyasında dayanaraq avtobusun gəlməsini gözləyirlər. Bir sözlə, yanlış yerə quraşdırılmış nişan sərnişinləri çaş-baş salır, sürücülərin isə cərimələnməsinə səbəb olur.

Ümid edirik ki, aidiyyəti qurumlar tezliklə həmin nöqsanı aradan qaldıracaq.

Könül Rauf