Bakıda iki səkini avtomobil dayanacağına çevirdilər - FOTO
Yol nişanları
20 May 2023 15:00
Oxunub 2140
Bakıda özbaşınalıq nəticəsində iki səki avtomobil dayanacağına çevrilib.
Bu barədə “Caliber.Az” portalı məlumat verib.
Bildirilib ki, bu faktlar Koroğlu Rəhimov küçəsində (paytaxtın Nərimanov rayonu, “ABU-Arena”nın yaxınlığında) və Vaqif prospektində (paytaxtın Nəsimi rayonu, “Batıgöz Azərbaycan” klinikasının yaxınlığında) qeydə alınıb.
Portaldan Bakı Şəhər İcra Hakimiyyətinə bununla bağlı müraciət ünvanlanıb. Qeyd edilən hallar barədə tədbir görülməsi, şlaqbaumların sökülməsi və səkilərin piyadaların istifadəsinə verilməsi istənilib.
***
Bakıda özbaşınalıq nəticəsində avtomobil dayanacağına çevrilən iki səki piyadaların istifadəsinə qaytarılıb.
Bu barədə Bakı Şəhər İcra Hakimiyyətinin Mətbuat Xidmətindən Calibre.Az-a məlumat verilib.
Bildirilib ki, Koroğlu Rəhimov küçəsində (paytaxtın Nərimanov rayonu, “ABU-Arena”nın yaxınlığında) piyadaların yolunu kəsən şlaqbaum sökülüb, səki yenidən piyadaların gediş-gəlişi üçün açılıb. Vaqif prospektində isə (paytaxtın Nəsimi rayonu, “Batıgöz Azərbaycan” klinikasının yaxınlığında) səkilərdə dayanacaqlar ləğv edilib.
ŞƏRH YAZ
