Bakıda qorxulu yol nişanı: Sürücülərə əks yola çıxmağı əmr edir - FOTO

Bakıda sürücüləri çaş-baş salan yol nişanı ilə bağlı bir neçə oxucu sosial şəbəkə hesabımıza məlumat verib. Avtosfer.az xəbər verir ki, söhbət paytaxtın 6-cı mikrorayon ərazisindən, daha dəqiq desək Anar şadlıq sarayının qarşısından gedir. Belə ki, həmin yolda

ayırıcı zolağın üzərinə maneəni sağdan və soldan keçməni bildirən 4.2.3 nişanı quraşdırılıb. Bu nişan onu bildirir ki, sürücü ayırıcı zolağın həm sağı ilə hərəkət edə bilər, həm də sol tərəfinə keçərək əks yolla hərəkət edə bilər.

İkitərəfli hərəkət təşkil edilmiş yolayrıclarında ayırıcı zolağın üzərinə bu nişanın quraşdırılması olduqca kobud səhvdir. Həmin nişanın tələbləri ilə hərəkət edən sürücülər hər an ölümlə üz-üzə qala bilər.

Əslində bu cür yollarda ayrıcı zolağın üzərinə 4.2.1 maneəni yalnız sağdan keçməni bildirən nişan quraşdırılmalıdır. Bu nişanın mahiyyəti ondan ibarətdir ki, sürücülər səhv edib əks yola keçməsinlər.

Leyla