Bakının mərkəzi küçəsində işıqforlar niyə işləmir? - AÇIQLAMA - VİDEO

“Qeyd olunan ərazidə işıqforların işləməməsinə səbəb həmin ərazidə elektrik kəsintisidir".

Bunu oxu.az-a açıqlamasında Daxili İşlər Nazirliyinin Nəqliyyatı İntellektual İdarəetmə Mərkəzinin İctimaiyyətlə əlaqələr sektorunun aparıcı mütəxəssisi Ömər Xıdırov bildirib:

“Qısa müddət ərzində problem həll edilib. Artıq əraziyə elektrik enerjisinin verilməsi bərpa edilib və işıqforların hər biri işlək vəziyyətdədir. Sürücülər rahat və təhlükəsiz şəkildə yollarına davam edirlər”.

***

Bakıda mərkəzi yolların birində işıqforların fəaliyyətində problem yaranıb.

Bu barədə baku.ws-in qaynar xəttinə məlumat daxil olub.

Məlumata görə, Nəsimi rayonunda Bülbül prospektindəki işıqforlar işləmir.

İşıqforların işləməməsi səbəbindən sürücülər yolu keçməkdə çətinlik çəkiblər.