Qaydaları pozan piyadalar barəsində tədbir görüldü - FOTO

Yol hərəkətinin təhlükəsizliyinin təmini, piyadaların vurulması ilə nəticələnən yol-nəqliyyat hadisələrinin qarşısının alınması məqsədilə Balakən Rayon Polis Şöbəsinin Dövlət Yol Polisi Bölməsinin əməkdaşları tərəfindən nəzarət-profilaktik tədbirlər keçirilib.

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a verilən məlumata görə, avtomobillərin hərəkətinin intensiv olduğu küçə və prospektlərdə keçirilən tədbirlər zamanı piyada keçidlərindən istifadə etməyən piyadalarla maarifləndirici söhbətlər aparılıb.

Özlərinin, eləcə də digər hərəkət iştirakçılarının həyat və sağlamlıqlarının qorunması üçün qaydalara riayət etmələrinin vacibliyi onlara izah edilib. 

Edilən xəbərdarlıqlara rəğmən təkrar analoji qayda pozuntusuna yol verən şəxslər barəsində inzibati tənbeh tədbiri görülüb.