BNA-nın qarşısında biabırçı yol nişanı: Sürücülər hara dönəcəklərini bilmir - VİDEO

Yol nişanları 28 Aprel 2023 15:29 Oxunub 1160
BNA-nın qarşısında biabırçı yol nişanı:  Sürücülər hara dönəcəklərini bilmir - VİDEO
WhatsApp kanalımıza abunə ola bilərsiniz

Bakıda quraşdırılmış yol nişanı sürücüləri çaş-baş salıb. Avtosfer.az xəbər verir ki, nişan Bakı Nəqliyyat Agentliyinin qarşısında quraşdırılıb. Belə ki, tuneldən gələn istiqamətdə stop və sola dönməyi məcbur edən nişan quraşdırılıb. Bu nişanı görən sürücülər hara dönəcəklərini bilmirlər. Sözügedən yerdə ayırıcı zolağın kəsiyindən sağa keçmək istəyən sürücülər üçün bu nişanın quraşdırılması düzgün hesab edilmir. Nişan hazırda elə yerə quraşdırılıb ki, düzünə gedən nəqliyyat vasitələrinə də şamil olunur. Yəni, indiki halda tuneldən gələn sürücülər nişanın qarşısında stop etməli, daha sonra sola dönərək ayırıcı zolağın üzərindən əks yola çıxmalıdır. Bir sözlə həmin yolda hərəkətin təşkilində qüsur var. Qanunvericiliyə görə nişanlar elə quraşdırılmalıdır ki, sürücülər üçün başa düşülən olsun. Hal-hazırkı vəziyyətdə sürücülər həmin nişanın ora nəyə görə qoyulduğunu başa düşə bilmir.

Ümid edirik ki, BNA həmin ərazini müayinə edərək hərəkətin təşkilinə dəyişiklik edəcək.

 

Könül

ŞƏRH YAZ
Ad

E-mail

Şərh