Bu küçədə nişanlar arasında ziddiyyət var: Diqqətli olun, əks halda, cərimələnəcəksiniz - VİDEO

Paytaxtın Nəsimi rayonu 28 May küçəsindəki nişanlanma xəttindəki nöqsan sürücülər arasında çaşqınlıq yaradır.

Avtosfer.az-ın məlumatına görə, bu barədə qəza əleyhinə kursların məşqçisi Aqil Rəhimov sosial şəbəkə hesabında paylaşım edib. Sözügedən küçədə sağ və orta zolaqdakı ox işarəsi hərəkətin ancaq sağa olduğunu göstərir. Sol zolaqda çəkilmiş ox isə həm düzünə, həm də sağa hərəkətə icazə verir: “Düzünə hərəkət edəcəyim üçün sol zolaqda dayanmışam. Bilirsiniz niyə? Çünki digər zolaqlarda düzünə hərəkətə icazə verən ox işarəsi yoxdur. Əgər biz orta zolaqdan və ya sağ zolaqdan düzünə getsək 40 manat məbləğində cərimələnəcəyik. Məhz bu səbəbdən zolaqlardakı xətlənməyə diqqət etmək və öncədən gedəcəyimiz istiqamətə uyğun olan zolaqda yerləşməliyik”. 

Qeyd edək ki, qanunvericiliyə görə, 1.18 nişanlanma xətti yalnız 5.8.1 nişanlarıyla birgə tətbiq edilə bilər. Sözügedən nişanlanma xəttinin məcburi hərəkət istiqaməti nişanlarıyla tətbiq edilməsi doğru hesab edilmir. 

Nərmin