Bu svetoforda geriyə dönmə qadağan edildi - CƏRİMƏ YAZILACAQ - VİDEO

Paytaxtın yeni Salyan şossesində hərəkətin təşikilinə dəyişiklik edilib. Avtosfer.az xəbər verir ki, Bibiheybət məscidindən üzü şəhər istiqamətinə gedən yolda əvvəllər sola və geriyə dönmək mümkün idi. Həmin kəsişmədə geriyə dönən nəqliyyat vasitələri yolun ensiz olması səbəbindən manevri birdəfəyə həyata keçirə bilmədikləri üçün geriyə dönmə qadağan edilib. Belə ki, svetoforun qarşısına 3.19 (geriyə dönmək qadağandır) nişanı quarşdırılıb, lakin sola- jurnalistlərin binasına dönmə olduğu kimi qalır.

Hərəkətin təşkilində dəyişiklik edilməsinə baxmayaraq sürücülər yenə də geriyə dönür. Qeyd edək ki, bu nişanın tələbinin pozulmasına görə 40 manat miqdarında inzibati məsuliyyət nəzərdə tutulub.

Sürücülərə tövsiyə edirik ki, geriyə dönmə manevrini növbəti svetofordan həyata keçirsinlər.

Fərid