Gülməli yol nişanları: Biri icazə verir, digəri qadağan edir - FOTO

Paytaxtın Salatın Əsgərova küçəsiylə Mirəli Qaşqay küçəsinin kəsişməsindəki yol nişanları arasında ziddiyyət mövcuddur.
Avtosfer.az xəbər verir ki, saytımıza şikayətçi tərəfindən daxil olan foto sürücülərdə çaşqınlıq yaradıb. Belə ki, yerdəki nişanlanma xəttiylə dirək üzərində olan nişan bir-birini inkar edir. Dirəkdə əks olunmuş 3.1 nişanı küçəyə girişin qadağan olunduğunu bildirdiyi halda, yerdə çəkilmiş nişanlanma xətti əksinə sürücülərin sola dönə biləcəyini göstərir. Bir sözlə, mövcud olan nöqsanlı yol nişanları sürücülərin işini çətinləşdirir. 
Qeyd edək ki, bu vəziyyətdə sola dönən sürücülər məsuliyyətə cəlb edilə bilməz.

Nərmin