![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Nişanın biri ağacın arxasında gizlənib, digəri isə görünmür: Sürücülər cərimələnir - FOTO
![Nişanın biri ağacın arxasında gizlənib, digəri isə görünmür: Sürücülər cərimələnir - FOTO](/upload/news/4194339.png)
Bakıda düzgün yerə quraşdırılmayan yol nişanları sürücülərin cərimələnməsinə səbəb olur. Oxuculardan biri bu barədə Avtosfer.az-ın qaynar xəttinə məlumat verib. Belə ki, söhbət paytaxtın Sabit Rəhman və Xan Şuşinski küçələrinin kəsişməsindən gedir:
"Həmin küçədə düzünə və sola təşkil edilmiş məcburi hərəkət istiqaməti nişanı ağacın arxasında gizlədildiyi üçün sürücülər onu vaxtından əvvəl qavraya bilmir, bəzən isə heç görə bilmirlər. Həmin yolayrıcından sağa dönməyi qadağan etmək üçün isə giriş qadağandır nişanı quraşdırılıb. Bu nişan isə elə quraşdırılıb ki, dönən zaman onu da görmək mümkünsüz olur. Qarşıda dayanan polis əməkdaşları giriş qadağandır nişanının tələbini pozan sürücüləri cərimələyir. Yaxşı olardı ki, nişanları görünən yerə quraşdırsınlar ki, sürücülər də qayda pozmasınlar" - deyə oxucu bildirib.
Ümid edirik ki, hərəkətin təşkili ilə məşğul olan qurumlar ərazini müayinə edərək baş verən nöqsanı aradan qaldıracaq.
Fərid