Ötən il yollarda 15 mindən çox yeni yol nişanı quraşdırılıb - VİDEO

Ötən il respublika yollarında "Siqnal İLİ" İdarəsi tərəfindən 15320 ədəd yeni yol nişanı quraşdırılıb.

Avtosfer.az xəbər verir ki, piyadaların və nəqliyyat vasitələrinin rahat, təhlükəsiz, eləcə də maneəsiz hərəkətini təmin etmək Daxili İşlər Nazirliyi Baş Dövlət Yol Polisi İdarəsinin qarşıya qoyduğu əsas məqsədlərindəndir.

Bu istiqamətdə davamlı olaraq tədbirlər icra edilir. Bu çərçivədə 2023-cü il ərzində Baş DYP İdarəsinin "Siqnal İLİ" İdarəsi tərəfindən respublika yollarında (Bakı şəhəri istisna olmaqla)  4878 məntəqədə yeni yol nişanları quraşdırılıb, 10442 ədəd sıradan çıxmış yol nişanı yenisi ilə əvəzlənib, 130951,24 kvadratmetr yol sahəsində isə yol cizgiləmə işləri aparılıb. 

2024-cü ildə də bu tədbirlər davam etdirilir.