Parkın yanındakı bu küçəyə giriş qadağan edildi - FOTO

Paytaxtın Niyazi küçəsində (Prezident Administrasiyasının arxa hissəsində) düzgün quraşdırılmamış yol nişanları ilə bağlı oxucular redaksiyamıza çoxsaylı şikayətlər ünvanlayıb. Avtosfer.az">Avtosfer.az xəbər verir ki, əvvəllər sözügedən küçədə hərəkət birtərəfli olub. Lakin sonradan hərəkətin təşkilinə dəyişiklik edilərək  küçənin hər iki girişinə 3.1 giriş qadağandır nişanı quraşdırılıb. Küçəyə hər iki istiqamətdən girişin qadağan edilməsinə baxmayaraq orada yaşayan və işləyən sürücülər nişanın tələbini pozaraq həmin küçədən istifadə edirlər. Bu isə digər sürücülərdə narazılıq yaradır.
Qeyd edək ki, qanunvericiliyə görə bu nişan bütün sürücülərə şamil olunur. Ona görə də orada yaşamasından və işləməsindən asılı olmayaraq nişanın tələbini pozan istənilən sürücü cərimə olunmalıdır.

Əgər orada işləyən və ya yaşayan insanlardan başqa digər sürücülərin həmin küçəyə girməsini qadağan etmək istəyirlərsə, bu zaman 3.2 hərəkət qadağandır nişanı quraşdırılmalıdır.
Əgər bu nişan quraşdırılarsa həmin küçədə yaşayan və ya işləyən insanların hərəkəti tam qanuni şəkildə olacaq.

Təbriz