Piyadaları yarı yolda qoyan nişan – Zebrasız piyada keçidimiz də var - VİDEO

Paytaxtda yol nişanı həm piyadaları, həm də sürücüləri çaşdırır.

Avtosfer.az xəbər verir ki, bu barədə vətəndaşlardan biri redaksiyamıza video göndərib.

Belə ki, Heydər Əliyev prospekti ilə Böyük İpək yolunun kəsişməsindəki yolda piyada keçidi nişanı var. Lakin yolun üzərində piyada zolağı yoxdur. Həmçinin yolun digər tərəfində piyadalar üçün heç bir nişan qoyulmayıb və keçid də təşkil edilməyib. Nəticədə buradan keçən piyada qarşıda nişan olmadığı üçün yolun ortasında qalmalı olur. Bu da təhlükə və çaşqınlığa səbəb olur.

Bəs görəsən bu nişan orada hansı səbəbdən qoyulub?

Məhəbbət Tərlanoğlu