Qanunsuz silahlara qarşı bu günün mübarizəsi cinayətsiz sabahlara doğru addımdır - FOTOLAR

Yol nişanları 5 Dekabr 2023 08:28 Oxunub 366
Qanunsuz silahlara qarşı bu günün mübarizəsi cinayətsiz sabahlara doğru addımdır - FOTOLAR
WhatsApp kanalımıza abunə ola bilərsiniz

Daxili İşlər Nazirliyi tərəfindən qanunsuz saxlanılan silah-sursatla bağlı aparılan kampaniya çox müsbət nəticə verdi. Son günlər demək olar ki, hər gün onlarla qanunsuz silah-sursatın polisə təhvil verildiyinin şahidi oluruq. Polis öncədən açıqlama verdi ki, vətəndaşlar belə silahları könüllü təhvil verərsə heç bir məsuliyyət daşımayacaqlar. Və bu açıqlamadan sonra xeyli saytda döyüşə yararlı silah-sursat təhvil verildi.
Bu barədə hər birimiz təbliğat aparmalıyıq. Belə silahların təhvil verilməsi cinayətkarlığa qarşı mübarizənin bir formasıdır.

Unutmayaq ki, təhvil verilən və ya polisin müsadirə etdiyi bir silah gələcəkdə bir neçə cinayətin qarşısını almaq deməkdir.
Sağlam cəmiyyət üçün hər birimiz addım atmalıyıq. Ətrafımızda maarifləndirici söhbətlər apararaq insanları qanunsuz saxladıqları silah-sursatı polisə təhvil verməyə həvəsləndirməliyik. Bəzən insanlar bundan qorxur, çəkinir. Ancaq bir səhv o silahları əldə etməkdirsə ikinci səhv onları gizlədib saxlamaqdır. Bu gün insanların psixoloji durumu gərgindir. Kiçik bir mübahisədən ağır cinayətlər törədilir. Kiminsə evində odlu silah varsa bir gün onu hansısa cinayətdə istifadə etməyəcəyinə heç kim zəmanət verə bilməz. Hirs, ani yaranan əsəb insanı silaha əl atmağa vadar edə bilər. Amma o silah evdə olmasa cinayətlik də bir iş qalmaz. Ola bilsin, insan qonşusu ilə mübahisə edib. Biri var, mübahəsini ən pis halda təpik-yumruqla bitirmək, biri də var, silaha ət atmaq. Hansı daha ağırdır? Əlbəttə, silaha ət atmaq. Yumruqla zərbə vurub cərimə oluna bilərsiniz, tənbeh verərlər. Amma silaha ət atılırsa 100 faiz cinayət işi açılacaq. Odur ki, elə indi qərar vermək lazımdır; bu silah-sursat nəyə lazımdır? Niyə saxlayırsınız? Məqsəd nədir? Silahsız həyat cinayətsiz həyat deməkdir. Seçib sizindir...

 

Elməddin Muradlı

DİN yanında İctimai Şuranın üzvü,

Avtosfer.az saytının rəhbəri

FOTO QALEREYA
ŞƏRH YAZ
Ad

E-mail

Şərh