Sürücülər bu yolda daha cərimələnməyəcək - FOTO

Sürücülərin tez-tez şikayətləndiyi yoldakı nişan dəyişdirildi. Avtosfer.az xəbər verir ki, “Euro Home” ticarət mərkəzinin arxasındakı dairəyə 2.5 stop nişanı quraşdırılmışdı. Sürücülər dairə boyunca hərəkət edən zaman sağdan- Sulutəpə istiqamətindən gələn nəqliyyat vasitələrinə yol vermək üçün mütləq dayanıb gözləməli idilər. Yolda nəqliyyat vasitələri olmadığı halda belə nişanın tələbinə görə sürücülər yenə də mütləq dayanıb sonra hərəkət etməli idilər. Dayanmayan sürücüləri isə həmin ərazidə xidmət aparan yol polisləri cərimə edirdilər.

Qeyd edək ki, orada görünmə məsafəsi kifayət qədər olduğu üçün 2.5 nişanının həmin kəsişməyə quraşdırılması standarta uyğun hesab edilmir.

Sürücülərdən birinin şikayəti əsasında Bakı Nəqliyyat Agentliyinin əməkdaşları həmin əraziyə baxış keçirərək kəsişməyə quraşdırılmış 2.5 stop nişanını 2.4 yol ver nişanı ilə əvəz etdi. Bundan sonra dairə boyunca hərəkət edən sürücülər digər istiqamətdən nəqliyyat vasitələrinin gəlmədiyi halda dayanmadan hərəkət edə biləcək.

Təbriz