Sürücülərin narazılıq etdiyi bu işıqforlar ləğv edildi

Bakının cənub girişində - Neftçilər prospektindən “Dəniz Mall” istiqamətində hərəkətin tənzimlənməsi məqsədilə yerləşdirilmiş işıqforların yeri dəyişdirilib.

Avtosfer.az xəbər verir ki, ərazidə hərəkət axınının tənzimlənməsi yenidən təşkil edilib və bir sıra dəyişikliklər həyata keçirilib.

DİN Nəqliyyatı İntellektual İdarəetmə Mərkəzindən saytımıza bildirilib ki, çoxsaylı müraciətlərdən sonra qeyd edilən ərazidəki piyada keçidlərinin yeri dəyişdirilib. Həmçinin hərəkəti tənzimləyən işıqforların yerinin dəyişdirilməsi ilə nəqliyyat axınının daha optimal idarə edilməsi təmin olunub.