Sürücülərin şikayətlərinə baxmayaraq nişan quraşdırılmayan yolda qəza baş verdi - FOTO

Xırdalanda gecə saatlarında yolun ortasındakı ayrıcı zolağın görünməzliyi səbəbindən qəza baş verib. Sürücü qaranlıqda maneəni görmədiyi üçün onun üstünə çıxıb və avomobili ciddi zərər çəkdib. Avtosfer.az bildirir ki, hadisə Xırdalan şəhəri, Heydər Əliyev prospektində, Kristal Abşeronun qarşısında baş verib. Bu dəfə günah sürücüdə deyil, yola lazımı nişanları yerləşdirməyənlərdə olub. Bu iş isə  Baş Dövlət Yol Polisi İdarəsinin Hərəkətin Təşkili  şöbə heyyətinin səlayihətindədir. Belə ki, yolun ortasına yerləşdirilən yolayırıcı zolaqların başlanğıcında həm maneəni sağdan keçməni bildirən 4.2.1 nişanı, həm də hər hansı bir işıqqaytarıcı element yerləşdirilməlidir ki, burada bunların heç birinə rast gəlmək mümkün deyil. İşin acınacaqlı tərəfi isə odur ki, dəfələrlə sürücülər yoldakı bu problem barəsində şikayət etsələr də məsələ hələ də həllini tapmayıb. Xoşbəxtlikdən bu dəfə hadisə yalnız avtomobilin zərər çəkməsi ilə nəticələnib. Bəs növbəti dəfə necə olacaq...
Güman edirik ki, növbəti dəfəsi olmayacaq və aidiyiyyatı qurumlar bu məsləyə bir ancam çəkəcək.


Aysel