Sürücülərlə "məzələnən" yol nişanı hamını çaş-baş salıb - FOTO

Bakı-Sumqayıt yolunda quraşdırılmış nişan sürücüləri çaş-baş salıb. Həmin yoldan istifadə edən sürücülərdən biri qeydə aldığı fotonu redaksiyamızın elektron ünvanına göndərib. Avtosfer.az xəbər verir ki, sözügedən yolun sağ hərəkət hissəsində (Abşeron Avtomobil Mərkəzinin qarşısında) düzünə məcburi hərəkət istiqaməti nişanı və yol ver nişanı quraşdırılıb. Lakin yol ver nişanının nəyə görə quraşdırıldığı bilinmir. 

Qeyd edək ki, həmin kəsişmədə sol hərəkət hissəsindən sağa keçən sürücülərin trayektoriyaları kəsişmir. Yerə çəkilmiş təhlükəsizlik adacığı nəqliyyat vasitələrinin hərəkətini kanallaşdırdığı üçün yol vermə şəraiti yaranmır. Ona görə də 2.4 yol ver nişanının orada quraşdırılması məqsədəuyğun hesab olunmur.

Fərid