Zaqulbaq-Bilgəh yolunda piyada keçidlərinin olmaması sakinləri təhlükəyə atır - VİDEO

Paytaxtın bəzi küçə və prospektlərində piyada zolaqlarının silinməsi ərazidə yaşayan sakinlərin həyatını təhlükə altına atır. Bununla yanaşı şəhərin bir sıra ərazilərində hələ də piyada zolaqlarının olmaması da narazılıq yaradan məsələlərdən biridir.

Avtosfer.az xəbər verir ki, Xəzər rayonunun bir sıra küçələrində piyada keçidinin olmaması ərazidən istifadə edən vətəndaşların hərəkətinə mane olur.

Belə ki, rayonun ərazisindən keçən Zaqulba-Bilgəh yolunda dayanacaqlara yaxın hissələrdə “zebra”ların olmaması sakinlərin narazılığına səbəb olub. Ərazidə piyada keçidlərinin olmaması Zaqulba-Bilgəh yolundakı dayanacaqlarda avtobusdan düşüb evinə getmək üçün yolu keçməkdə sakinlərə çətinlik yaradır.

Vətəndaşlar aidiyyəti qurumlardan ərazidə yerüstü piyada keçidlərinin, yaxud “zebra”ların təşkilini xahiş edir.

Səfər